ზურაბ ალავიძე ევროპის საინვესტიციო ბანკის წარმომადგენლებს შეხვდა

ზურაბ ალავიძე ევროპის საინვესტიციო ბანკის წარმომადგენლებს შეხვდა

საქართველოს რეგიონული განვითარებისა და ინფრასტრუქტურის მინისტრი ზურაბ ალავიძე და საავტომობილო გზების დეპარტამენტის თავმჯდომარე გიორგი სეთურიძე, ევროპის საინვესტიციო ბანკის (EIB) მისიის წარმომადგენლებს შეხვდნენ. 
ევროპის საინვესტიციო ბანკმა, „საქართველოს სატრანსპორტო კომუნიკაციის პროექტი“-ს ფარგლებში 250 მილიონი ევროს ოდენობის დაფინანსება გამოყო.  პირველ ეტაპზე დაგეგმილია გრიგოლეთი-ჩოლოქის 14 კილომეტრიანი მონაკვეთის მშენებლობა. შემდეგ ეტაპზე კი - საერთაშორისო და შიდასახელმწიფოებრივი მნიშვნელობის სხვადასხვა მონაკვეთის მშენებლობა-რეაბილიტაცია .
სამუშაო შეხვედრაზე, მხარეებმა მიმდინარე პროექტების შესახებ ისაუბრეს და დაგეგმილი ახალი პროექტები განიხილეს.
 ევროპის საინვესტიციო ბანკი, ამ დროისთვის, სამტრედია-გრიგოლეთის 4 მონაკვეთისა და ზემო ოსიაური-ჩუმათელეთის 5,8 კილმეტრიანი მონაკვეთის მშენებლობას აფინანსებს.